Zum Inhalt springen

Da Winta im Fruahjoah friachaszeitn

12.4.1994 Schnee

15.4.1973 vü Schnee zur Poimweih

17.4.1955 („Weißer Sundog“) Sturm mit iba an hoibn Meter Schnee, am 19. und 22. no amoi Schnee

Ånfang Aprü 1900   3 Tog lang gewoitiger Schneesturm

12.5.1897   Schnee bei da Obstblia, nochher Frost

27.3.1853 (Ostersundog) suiche Schneemassn, dass de Gwahn so hoch woarn wia de Kirchhofmauer. A Frau aus Stråß is ban hamgeh vo da Kirchn in de Gwahn steckn blibn und dafroan.

4.5.1608 vü Schnee

7.-8.6.1420 vü Schnee und Frost

 

Wånn ma genau aufs Datum schaut hoaßt des, ma muaß iwaschlogn so olle 50 Joahr circa so spot no mit so an gewoitign Schneesturm rechnan.

Google+FacebookXINGWhatsAppLinkedInGoogle GmailEmpföhn


Permalink

Ratschn im Moakt in Grumboch

Noch längara Zeit probia ma heia wida amoi des vulle Programm mit de Ratschnkinder in de Koartoge. Oiso imma wånn sinst de Glockn leitn tatn, wia ebba vua da Mess zan hoiba oda zan zsammleitn, oda a zan Gebetsleitn um sexe in da Frua oda z’Mittog, imma dånn san de Ratschnkinda a um de Kirchn oda im Moakt unterwegs mit de oitn und bewährtn Sprichal.

De woss genaua interessiert: den Ratschn-Plan gibbs do.

10 Joah „Ö3-Wetterstation Krumbach in der Buckligen Welt“

Åm 24. Nuvemba 2006 is insa Wedastation eingweiht wuan, des san oiso hiaz scho wida 10 Joah!

(C) 2006 Josef Florian Glatz - josDesign.at // Wetterstation
(c) 2006 Josef Florian Glatz – josDesign.at // … nach der offiziellen Eröffnung (rechts Mag. Marcus Wadsak)

 

(C) 2006 Josef Florian Glatz - josDesign.at // Wetterstation
(c) 2006 Josef Florian Glatz – josDesign.at // Wetterstation Führung nach der Eröffnung
(C) 2006 Josef Florian Glatz - josDesign.at // Wetterstation
(c) 2006 Josef Florian Glatz – josDesign.at // Die ersten Wetterdaten werden übermittelt …

 

 

Vuatrog in Kiachschlog

Åm Dunnerstog, 3. Nuvemba 2016, hoid i um 19:30 in da NMS Kiachschlog an Vuatrog ibas Weda mit Schwerpunkt aufm Hochwossa im Bereich vo Kiachschlog. Vaånstoita is da Lions Club Kiachschlog. Heazliche Einlodung! Hom se gwisst, dass de schwaste Wedakatastrophn in Östareich, vo der ma wissen, in Kiachschlog passiert is mit 42 Todesopfa?

Hulareiduljo

Oftn (oder „aft“; hochdeutsch: „danach, nun, dann“; verwandt mit englisch „after“) muaß ma si oiso koane Suagn mehr ibas Jodln mochn. Des Jodln kå ma getrost vo da rotn Listn streichn, des stiabt net so schnö aus, des hob i hiaz neili söba dalebt, und zwoa auf da Tauplitz. Na guat, dass ma bei an Jodlkuas gnua Leit trifft, de jodln, des is net so a Ibaroschung. Oba söbst im Toi bei an Einkehrschwung in ana Hittn tuat da junge Hittnwiad do glott anjodln, dass a Freid is.

Oiso mia redn do net vo oide Wurzlseppln, de hoid grod no a poa Jodler kennan, sundern vo junge Leit, de vulla Freid an Jodla aussilossn, und net nua an! Wos gibbs a schenas ois mit oan oda mit zwa åndare de Tän schwebn z’lossn – Emotion und Lebnsfreid pur! Und in da Steiamoak gibbs imma mehran Leit de jodeln.

Des Jodn woar a bei ins in da Buckladn Wöd vua ebba hundat Joah oda so recht heifi no zan hean, wos koa Wunda is, weul insre Gegnd jo a långe Zeit zua Steiamoak ghead hod. Jedenfois san domois voa 100 Joah a gånze Hånd vui Jodla bei ins vo de Vuixmusikfuascha aufzeichnt woan, in Grumboch, Honeiho, Zebar, und a ånderswo in insra Gegnd.

Wos heit de meistn Leit ois Jodln kennan is dabei net unbedingt des, wos bei ins traditionöi gjodlt woan is. Oiso des extrem schnöle und schware Jodln, wos ma heit so ban Fernschaun vüleicht head, des woa und des is noch wia vua ehan untypisch fia insre Jodler, des woa vüleicht amoi a Bravourstickl vo an bsundas begobtn Jodlfreak, und des is dånn zu ana Kunstform woan in manche Kreise. Des hot oba dazua gfiat, dass de meistn Leit heit glaubn, dass des Jodln nua wos fia speziölle Stimmwunder is, und net fia ins Nurmalsterbliche – so a Bledsinn! Leana kån des nuamale Jodln, wias bei ins gpflogn woan is, nämli (fost) jeda, und es is a mehra in da Nachern von Ruafn und von Schrein zan findn ois wia in da Nachern von Singan.

Weas söba learna mog, dem kå i de Härtels wärmstns empföhn: http://www.tradmotion.at

Foto_c_IngeborgMagdalenaHaertel Foto2_c_IngeborgMagdalenaHaertel

Büdl: Mei Wenigkeit auf da Tauplitz ban Jodl-Schitouren-Wochnend Mitte Jänner (Foto: Ingeborg Magdalena Härtel)