Am letzten Pfinzdog (Dunnerstog) im Fosching wean Schnitzln aufkocht oda Gropfn bockn (deswegn foast, hochdeutsch: feist = fett, dick, prall). Und weul i dem Brauch vü ågwinna kå, gibb’s bei mia a heia wida Schnitzln und Gropfn am Foastn Pfinzdog. Wea lebt den Brauch sunst no?
Archiv
Grumboch gestan wärmster Ort
De Ö3 Wedastation Grumboch woa gestan mit 19,5 Grad de wärmste Wedastation in Östareich.
Mitn gestrign Tog san damit 5 moi in den Nuvemba scho mehr ois 20 Grad gmessn woadn und amoi dazua grundte 20 … wos si jo bei 19,5 Grad grod no ausgeht, wån ma de so gnånnte „Klimatologische Rundung“ anwendt. Do wiad imma zu de grodn Zoin zuwi grundt, oiso bei 18,5 Grad auf 18 Grad, bei 19,5 Grad auf 20, bei 20,5 a auf 20 Grad, und so weida und so fuat. Damit wü ma vameidn, dass ma duachs Rundn am End systematisch zfü oda zweng aussa kriagt.
Hiaz is as Grundwossa wida aufgfüt
Mitn Regn vo da letztn Wochn hot si des Grundwossa endli wida erneian kena, es is hiaz noch den dian Summa fost wida nuamal. Des zag si a ban Obfluss-Pegel van Zebarnboch in Kirchschlog. Do gibbs den Link dazua.
Trocknheit
In den August san eascht 22 mm Regn gfoin, nur a Fünftl vo da Duachschnittsmengan. Ålle Anzlheitn gibbs do zan segn auf meina Statistikseitn.
Maibam stöijn
Zan Thema Maibam stöijn hob i gestern a schens Sprichal „gfundn“:
Da Maibam is a schena Brauch,
des z‘würdigen gefoit uns auch!
Deshoib erlaub’ma ins noch oida Sittn,
eam lustig z’stöhn aus eichra Mittn!
Wånn eis eam hobm wuits goar zruck,
so miaßts in Moarkt a Stuck!
Duat wead’s eam recht boid segn,
de Ausles oba kummt eich teia z‘stehn!
So griaßn eich aus froher Rund
de Unterfertigten, de san då g’sund …
Projektunterstützung vo Michael Schubert gsuacht
Michael Schubert, „Niederösterreicher des Jahres 2014“ suacht no dringend finanzielle Unterstützung fia sei neiches Smartphone- und Tablet-Projekt. Do kånnst mitmochen.
Würdiger Sieger
Michael Schubert hot de NÖN-Åbstimmung zum „Niederösterreicher des Jahres 2014“ verdient gewonnen. Herzlichen Glückwunsch dem Gewinner! Und herzlichen Dånk an ålle, de fia mi åbgstimmt hobm!
Fosching
Gestern „Foasta Pfinzdog“ (hochdeutsch: fetter Donnerstag) mit Schnitzln und Gropfn, heit s‘Jägabeul in Tiafnboch, und zwischnduach muaß ma a auf insre Loipn de Festln feiern wia’s foin (solang no Schnee ligt). De Loipn in Schlog woa gestern scho a wengl grenzwertig, oba de Mühlnloipn heit is noch sehr guat gangan! Teiflisch schnöl woan olladings de Åbfoahrtn bei de festn Schneevahöltniss:
Spratzau net gspurt
De ebenfois wundaschene Talloipe Spratzau im Bereich Liachtenegg und Hollenthon is derzeit leida net gspurt.
„De Große“ oda „De Wossareiche“
De meist befoahrane vo olle Loipn in insra Gegnd is wui de Mühlenloipe ån da Grenz zwischn Grumboch und Hohneiho-Gschoadt. Se is a de längste und rennt wundaschen de Bachln entlang. A Variantn, de oft nua „wüd“ spurt is, geht duachn Woid vo da Trettlermühl ins einsåm-vatramte Toi vom Spanauboch (hinta da Kothmühl eini).
Und obwui ma jo beim Loipnstüberl no in Grumboch is, foahrt ma min Auto vo mia daham doch a hoibe Stund bis zum Einstieg, jedenfois bei so herrlich wintaliche Vahöltnisse wia gestern:
A beim drittn Teul vo dera kloan Serie gibbs oiso wida oaschichtige und frisch zuagwahte Loipn, wo ma strecknweis a frische Spur in Schnee eini ziagn kånn – ideal fia olle, de a wengl oschoitn wuin vo da Oitogshektik. Wånns net grod so a Schneegestöber hot, san de Loipn nuamalerweis oba tipptopp gspurt.
„De Kinigin“ oda „De Aussichtsreiche“
Bei schen Weda wia gestern is de Loipn wui de Kinigin vo olle bei ins in da Buckladn Wöd, de Panoramaloipn in Schlog bei Zebarn:
Perfekt gespurt, oba: Wo san de Långleifa? Koane Leit weit und broat!
„De Anspruchsvulle“ oda „De Åbwechslungsreiche“
De schenstn Langaufloipn vo NÖ hobm ma in da Buckladn Wöd, so åbwechslungsreich sans! Zum Beispül de „Fitness- und Grenzlandloipe“ in Zebarn.
De Vahöltnisse woan heit anspruchsvoil, und es is a echtes Naturerlebnis, weul ma de ganze Rundn aloanich unterwegs is, mit kloane Ånstiege und spånnende Obfoartn:
Neicha Schneesensor in Betrieb
Seit Dezemba hobma hiaz den neichn Laser-Schneepegel bei da Ö3-Wedastation in Betrieb, und de Werte wean a scho ånzagt auf insara Seitn do! De aktuelle Schneehechn is a bei wetter.orf.at imma zan segn.