Springe zum Inhalt

Wer hot no Büdln vom 1986er Winter?

Umman 10. Februar 1986 umadum hots bei uns extrem vü gschnibn und gwaht. De Schneegwahn woan riesig hoch und a poa Tog lång is domois fost goar nix gångan in unsrer Gegnd.

Hot vülleicht no wer Büdln vo dåmois? Bsunders de gånz hochn Schneegwahn tatn mi sehr interessiern! Schicks ma bitte gern eichare Schätze auf holzer ….. …. @tornados-at

Share

Endlich Wossa

Endlich hots amoi gscheid gregnt! Am 14.4. um 12 Uhr woama mit 56,2 Liter pro Quadratmeter sogoa Nr. 1 auf da Österreich-Listn bei de 24 Stundn Regensumman. A klassisches „5b-Tief“ hoid, wos vo da Adria iwa Kroatien genau zu uns ziagg. De optimale Wedalog. Des hots leida schon lång neama gebn.

Da Bodn saugg des Wossa noch da långan Trucknheid hiaz auf wiar a Schwåmm. Deswegn is in de Bachln a ned oag vü Wossa. Des Grundwossa wiad hiaz duach den stoakn Regn endlich wida aufgfüd, und de Brunnan wean a auf da He obn hiaz wida gnua Wossa gebn.

Des is a Screenshot vo da Regenkurvn zwischn 13.4. 13:00 und 14.4. 13:00 Uhr:

Fia de aktuellen Werte geh bitte obn im Menü auf „Ö3 Wedastation“ und „Regen 24 Stunden“.

Share

KommPod iwa mi

Da Heller Martin aus Habich beim Huatwisch (Danksche fia di Einlådung!) hot mi fia sein Podcast interviewt. Des woa a wirklich nette Plauderei im vui lessign Pinknoise Tonstudio in Kirchschlog iwa wichtige und weniger wichtige Sochn. Wånnst amoi a Stund Zeit host zum nochilosn, dann hea da des bittsche ån:

https://www.kommpod.at/

Foto und Ton: Thomas Eitel vo „pinknoise tonstudio“ Kirchschlog. Am Büdl is links da Heller Martin zan segn und rechts bin i zan segn.

Share

Mei neiche Zusatzquali

I hob hiaz noch ana hoibjährigen Ausbüdung a neiche Zusatzquali und deaf mi „behördlich befugter Bergwanderführer“ nennan. De Kurse hob i in da Steiamoak am Dochstoa und im Totn Gebirge gmocht – inklusive Winterkurs fias Schneeschuach-Wåndern.

Mein ersten Eisotz hob i im Jänner scho auf der Tauplitzoim ghobt mit Schneeschuach fia Kollegen vo mein Unwetter-Forschungsinstitut ESSL. Zusätzlich hoid i ob heia ois Trainer a Bergweda-Fuatbüdungen fia den Bergspuatverband in da Steiamoak ab.

In da Buckladn Wöd wiar i die Wander-Führungen im Råhmen vom Jodelkurs am 1. Aprü und am 11. Novemba iwanehmen. Åmödn fia den Jodlkurs kå ma si auf da Seitn vo da Pregnerei unter „Events und Shop“.

Share

Echt truckn

Heit hot de Ö3 Wedastation in Grumboch am Nochmittog nur 2,6 % relative Luftfeichtn gmessn. Des is a neicha Rekord. De Luft is hiaz so richtig Knochntruckn! Regn tat ma scho dringend brauchn. 

Owa wos sogg a oids Sprichal? 
Miaznwind trickads Huiz ganz gschwind.

Share

Schneckenfresser zan kafn

Mir hobn Laufantn zan vakafn. Bittsche ibas Kontaktformular möldn, wann wer wölche hobn wü. 

Laufenten zu verkaufen

Wenn jemand Laufenten kaufen will, bitte über das Kontaktformular melden. Die Laufenten sind abzuholen bei folgender Adresse: Parkweg 8, 2851 Krumbach

Laufenten kaufen – Bucklige Welt – Niederösterreich – Nähe Burgenland – Nähe Steiermark

Zum Kontaktformular

Share

A Schneekotz

Manchsmui gibbs scho gschpoasige „Föhla“: am 15. Dezember hot insa Schneepegl auf oamui 24 cm ånzagt, obwui goa koa Schnee glegn is. A Kolleg von da ZAMG is drauf kema, wos da Grund woa: a Kotz!

Mia hobm bei da Wedastation grod an Vergleichstest lafn, und so hängg ausnåhmsweis ara Kamera duat. Na schauts sölbst, wos ma do gsegn hot bei 24 cm Schnee: 

Siaße Kotz aufm Schneemessbredl (Büdl: ZAMG)

Und so hot des in de Originaldatn ausgschaut: 

Original Schneemessdatn vom 15. Dezember 2020 (Datn: Moaktgemeinde Grumboch)

I hob den „Föhla“ hiazt aussa glöscht 😉 

Aa auf Ö3 hobms davon bericht: https://oe3.orf.at/stories/3010194/

Share

Wedan bringan Segn und Tod

Da Regn is jo gånz wichtig im Fruahjoah und Summa, und den bringan do hoid oft de Wedan. Oba es kån a schnö gferlich wean – ned nur duach zfü Wossa, a duach de Blitz. Ban Seppn in Bodn (Gmoa Thomasberg) hob i dazua des Åndenkn-Büdl do gfundn:

(c) Alois M. Holzer

Wer kennt no so a Åndenkn-Büdl noch an Weda-Unglick in insra Gegnd?

Share