Des unbeständige an insan Weda is gånz normal, oba so vo aan extrem ins åndare wia im vergånganan Joah 2013 gehts a söltn. Insgesamt hots mit 957,8 mm a bissl mehr Nidaschlog gebm ois in de Jåhre davua. Ålle Details findt ma auf meina Statistikseitn do.
Ö3 Wedastation - 2. Seite
Vo an Extrem ins ondare
Am 8. August 2013 is fia de Ö3-Wedastation Krumboch in da Buckladn Wöd mit 36,0 Grad a neicha Temparaturrekoad aufgstöd worn (gmessn wiad do seid 2006). Davua is in da Messperiodn 1986 bis 2006 an da “Priv. Klimastation Krumboch” a Rekoad vo 35,3 Grad gmessn worn (jeweus am 13.8.2003 und am 20.8.1992).
Bis in Aprü eini hobn ma davua jo a ziemliche Köldn ghobt. Und a bein Regn woa heia scho ois dabei zwischen gonz vü und vü zweng.
Den Vuiksschulern gfoit de Wedastation
Am 24. Oktoba 2013 hob i mit da 4. Klass Vuiksschui aus Grumboch de Ö3-Wedastation angschaut und bis ins letzte Detail besprochn. Beim obschliaßendn Quiz woars echt oag, wia vül oil de Wiffzacks gwußt hobn! Se hom si gonz gnau gmerkt, wia hoch obn der Windmessa sei muaß, und wia des mitn Grosminimum-Thermometa is, usw.
Kunstprojekt Wedawiafl
Do hob i a poa Sochn zan Kunstprojekt „Wetterwürfel“ z’sammtrogn: